Psa 42 | KYG | STEP | Afela afu anaga'mogimo anife'mo nehapaige'apae'mo anitegamo ne'vaya kava hu'na Gotiyo, hu'na, kagaefe'mo ne'nahaiye.

Psalms 42

Yulagefa ai'niya kavafe'mo nunumu'mo hu'niya gemae

1 Afela afu anaga'mogimo anife'mo nehapaige'apae'mo anitegamo ne'vaya kava hu'na Gotiyo, hu'na, kagaefe'mo ne'nahaiye. 2 Afa'a ne'maina Gotigae, hu'na, kagaefe'mo ne'nahaiye. Hainu afina'mo u'na kaulagale'mo mono huguve. 3 Apakaemo hu'a faipa hu'a natete'apae'mo Gotikamo'mo haiyate mai'niye, hu'a hute hute hu'nage'nae'mo feluga'e hani'ilaga'e'mo ne'ya'mo o'ne'na avi'ya huge huge hu'na ne'mauve. 4 Nagaemo hu'nova kavafe'mo nagesamo afite'na naipafi'mo hane'niya kava'a'nimo ae'na laku fae'na kaha nepauve. Hogoteta nagae'e'mo magokepi lokaeta ne'utae'mo mono yokemo huge Goti agi'ale'mo alita asaga huge hulita Goti mono notegamo u'none. Muki'amogitamo mono hisunafe'mo aote afina'mo hu male'none. 5 Nagaemo na kava hige'nae'mo naipamo'mo kana nehiye. Na kava hige'nae'mo nagesa ala'amo ne'afuve. Nagupi mafa'neyo, hu'na, Goti'a naha maesiyafe'mo agava mai'neka kavayagunagu nehuge'nao halate naha ne'maeya veka'nimo Goti'nimo agi'ale'mo ali'na asaga hino. 6 Naipamo'mo lusi kava huno kana nehiya'mofe'mo agaefe'mo halate nagesamo afiguve. Ani'mo Hemoni avefati'e Misa avefati'e'mo emineno alopa ani'mo Yoneni anipi'mo nelamino'ae'mo lamino ha'yamo asagauno ne'aigeno'ae'mo alopa agemo ne'aiya kava huno alopa hanageke ya'mo'a nagufale'mo nati nekae. 8 Nati nekaeya'monanafa Ala kava ne'mo'a aipamo falu hu'niya kava'a'e hau ayamopafi'mo hau'niya kava'a'e'mo felugamo alino nave lisige'nae'mo hani'ilagamo yokemo huge afa'a maisuva ya'mo nami'niya Gotife'mo nunumu huge hu'na maiguve. 9 Nagaemo Goti'a yafa'nigana vekae'mo na kava higeka nataleka nagaefe'mo alagi kagesamo no'afine. Na kava higeka kame vaya'nimo apakeka apatale'nanage'a hosu ya'mo ne'namigeno nagafu nekiye. 10 Ge'apileti'mo keveleti'mo ne'nahaya kava hu'a Gotikamo'mo haiyate'mo mai'niye, hu'a hute'a hu'a faipa hu'a ne'natae.

11 Nagaemo na kava hige'nae'mo naipamo'mo kana nehiye. Na kava hige'nae'mo nagesa ala'amo ne'afuve. Nagupi mafa'neyo, hu'na, Goti'a naha maesiyafe'mo agava mai'neka kavayagunagu nehuge'nao halate naha ne'maeya veka'nimo Goti'nimo agi'ale'mo ali'na asaga hino.